რედაქტორისგან

დიდი მადლობა, რომ ესტუმრეთ ჩვენს საიტს. ვფიქრობ, იანვრის ნომერი განსაკუთრებული იქნება თქვენთვის. ჟურნალის გარეკანზე 39 000 წლის წინ შექმნილი საოცარი ნახატებია გამოსახული. ალტამირას გამოქვაბულის (ესპანეთი) პოლიქრომული ჭერიდან მეცნიერები საღებავის ნიმუშებს იღებენ და მათ დათარიღებას ცდილობენ. ჩიპ ვოლტერის სტატია ეძღვნება ხელოვნებას, მის საწყისებსა და იმ უჩვეულო ხელოვანებს, რომლებიც ამ შედევრებს ქმნიდნენ.

შემდეგი სტატია ეძღვნება ყველა ოჯახისთვის მნიშვნელოვან თემას - ბავშვებს, თუმცა ეს საბავშვო ამბავი არ გეგონოთ. ავტორი იუდიჯიტ ბატაჩარჟი გაგაცნობთ ბავშვის ტვინის შემსწავლელი კვლევების უახლეს შედეგებს, მიგნებებსა და რეკომენდაციებს, თუ როგორ უნდა აღვზარდოთ ბავშვი, განსაკუთრებით, პირველი ერთი წლის განმავლობაში, რომელიც, მეცნიერების აზრით, გადამწყვეტია.

მომდევნო სტატიაში რობერტ დრეიპერი წარმოგიჩენთ აფრიკის ყველაზე იმპულსურ ქალაქს. გამდიდრებისკენ დაუოკებელმა სწრაფვამ ლაგოსი კონტინენტის პირველ ქალაქად აქცია. იქ უკიდურესად სასოწარკვეთილი ადამიანებიც ოქროს კიბის ზედა საფეხურზე გეგმავენ ასვლას. თუმცა არც ყველაფერი ასე მარტივადაა, რასაც, დეტალურად, სტატიაში გაეცნობით.

რა არის ბნელი მატერია და ბნელი ენერგია? ალბათ უკვე ხვდებით, რომ ამ სტატიის ავტორი ტიმოთი ფერისი კოსმოსში გაგამგზავრებთ. არსებულის ძალიან მცირე ნაწილია ის, რასაც ვხედავთ. მეცნიერები, ახლა, უხილავი სამყაროს ამ ორი იდუმალი სუბსტანციის შესწავლას იწყებენ და ცდილობენ, რომ მისი პირველი გამოკრთომა დააფიქსირონ.

ვინ იყვნენ პირველი ამერიკელები? როგორ მოხვდნენ დასავლეთ ნახევარსფეროში? როდის მოხდა ამერიკის კონტინენტზე ადამიანთა განსახლება? ავტორი გლენ ჰოჯისი წარმოგიდგენთ ახალ გენეტიკურ აღმოჩენებს, რომლებიც რადიკალურად გვიცვლიან სურათს. ამ სტატიაში თქვენ გაიცნობთ პატარა გოგონას, სახელად „ნაია“, რომელიც პირველი ამერიკელის სახედ იქცა.

National Geographic-ის იანვრის ნომრის სტატიებს ერთი საერთო იდეა აერთიანებს. ეს არის პირველი აღმოჩენა, ინოვაცია თუ ქმედება, რომლებმაც მსოფლიო შეცვალა. წინ შემდგომი „პირველებისკენ“ - და გილოცავთ ახალ წელს!  

ჟურნალში ასევე გთავაზობთ საინტერესო რუბრიკებს და გასაოცარ ფოტომასალას - კვლევა-ძიების ახალი ეპოქა გრძელდება! არ გამოტოვოთ დეკემბრის ნომერი.

ზოგადად კი, უკეთესია გამოიწეროთ ჟურნალი, რომ გარანტირებულად მოგივიდეთ თქვენ მიერ მითითებულ მისამართზე. ყველა კომფორტთან ერთად, თანხასაც დაზოგავთ!

კეთილი სურვილებით, ლევან ბუთხუზი

თქვენი ფოტო

დაინტერესებული მოყვარული და პროფესიონალი ფოტოგრაფების საყურადღებოდ! თუ გსურთ, თქვენი ფოტომასალა მოხვდეს National Geographic საქართველოს ყოველთვიურ საკონკურსო რუბრიკაში “თქვენი ფოტო”, გამოგვიგზავნეთ თქვენი ფოტონამუშევარი. მეტი >>

FACEBOOK

პარტნიორები


საწყისი    ჟურნალი    ვითანამშრომლოთ    NG საქართველო    გამოწერა    განცხადებები    რეკლამა    კონტაქტი



© 2012 National Geographic Georgia. All rights reserved.